Fýtzaldan joldastyq kezdesýde Qazaqstan quramasy Ázerbaıjandy ekinshi márte jeńdi

ASTANA. QazAqparat - Fýtzaldan Qazaqstan quramasy búgin Ázerbaıjanmen ekinshi joldastyq kezdesýin ótkizedi, dep habarlaıdy QazAqparat tilshisi.

Aqtaý qalasyndaǵy «Halyq Arena» sport kesheninde ótken kezdesý fýtzaldan 2024 jylǵy álem chempıonatyna irikteýge daıyndyq esebinde uıymdastyryldy.

Búgingi kezdesýde quramalar tarapynan tartysty oıyn órbidi. Olar bir-biriniń qaqpasy mańynda jıi boı kórsetti.

Ázerbaıjan quramasy búgingi kezdesýde jeńiske jetý jolyn izdedi. Nátıjesinde olar oıyn barysynda esep boıynsha alda turdy. Dese de qazaqstandyq fýtzalshylar olarǵa laıyqty toıtarys bere bildi.

Osylaısha qazaqstandyq fýtzalshylar qarsylasynan 6:5 esebimen basym tústi.

Eske salsaq, budan buryn Qazaqstan quramasy Ázerbaıjandy jeńgen bolatyn.

Endi el quramasy álem chempıonatynyń negizgi satysyndaǵy irikteý kezeńinde besinshi topta synǵa túsedi. Qarsylastary - Slovenııa jáne Chernogorııa.

Іrikteý kezeńi 2022 jyldyń 8 qazanynda bastalyp, 2023 jyldyń 8 naýryzynda aıaqtalady.

Foto: sports.kz