Fýtzaldan joldastyq kezdesýde Qazaqstan men Iran teń tústi

ASTANA. KAZINFORM — Búgin fýtzaldan Qazaqstan quramasy Iranmen ekinshi joldastyq kezdesý ótkizdi.

Eki qurama arasyndaǵy alǵashqy joldastyq kezdesýde qazaqstandyq fýtzalshylar 4:1 esebimen jeńiske jetti.

Eki qurama búgingi oıynda jeńiske jetý jolyn izdedi. Irandyq fýtzalshylar álemde aldyńǵy qatarda keledi. Dúnıejúzilik jáne Azııa qurlyǵyndaǵy talaı básekede júldeli oryndardan kórindi.

Al Qazaqstan quramasy da keıingi jyldarda úzdikter qatarynda oınap júr.

Kezdesý barysynda aldymen Sadjad ıÝsefhah esep ashsa, oǵan qazaqstandyq Birjan Orazov bir golmen jaýap qaıyrdy.

Osylaısha quramalar 1:1 esebine qanaǵat bildirdi.

Jıynnyń qorytyndy kezeńi Almatyda 6-10 qyrkúıek aralyǵynda bolady. 7 qyrkúıek kúni Qazaqstan quramasy Argentınamen sheberlik baıqasady.

Aıta ketsek, bıyl 14 qyrkúıek pen 6 qazan aralyǵynda Ózbekstanda ótetin álem chempıonatynda el quramasy Ispanııa, Lıvııa jáne Jańa Zelandııamen sheberlik baıqasady.

Al Iran F tobynda Venesýela, Gvatemala jáne Frantsııamen synǵa túsedi.