Fýtzaldan ulttyq qurama músheleri balalarmen dostyq matchyn ótkizdi
NUR-SULTAN. QazAqparat - Nur-Sultan qalasyndaǵy Jaqsylyq Úshkempirov atyndaǵy «Jekpe-jek» saraıynda fýtzaldan Qazaqstan ulttyq quramasynyń músheleri jáne jas sportshylar «Dostyq matchyn» ótkizdi, dep habarlaıdy QazAqparat.
QR Fýtbol federatsııasynan málim etkendeı, Mádenıet jáne sport mınıstrliginiń uıymdastyrýymen bolǵan match Balalar jylyna arnalǵan.
Qazaqstannyń ár aımaǵynan iriktelgen 12 jastaǵy úzdik sportshylar Álem chempıonatynyń tórtinshi oryn ıegerleri, Eýropa chempıonatynyń qola júlde ıegerleri Rıkardo Kaka shákirtterine qarsy oınady.
Merekelik matchqa QR Mádenıet jáne sport vıtse-mınıstri Serik Jarasbaev jáne Ulttyq qurama sapynan Rıkardo Kaka, Asqar Ábildaev, Leo Igıta, Birjan Orazov, Dáýren Tursaǵulov, Shyńǵys Esenamanov, Albert Aqbalyqov, Edson qatysty.
Oıyn 8:8 esebimen teń aıaqtaldy.
Komandalarǵa QR Mádenıet jáne sport mınıstrligi Sport jáne dene shynyqtyrý isteri komıtetiniń kýbogy, medaldar men dıplomdar tabys etildi. Jas sportshylar sondaı-aq baǵaly syılyqtar aldy.
