Fýtzaldan ulttyq qurama Eýropa chempıonatyna daıyndyqty bastady
ASTANA. QazAqparat - Fýtzaldan Qazaqstan ulttyq quramasy qańtar aıynyń sońynda bastalatyn Eýropa chempıonatyna daıyndyqty bastady, dep habarlaıdy QazAqparat prosports.kz saıtyna silteme jasap.
Brazılııalyq maman Kakaýdyń shákirtteri Slovenııanyń Lıýblıana qalasynda ótetin Eýro-2018 týrnırine tyńǵylyqty daıyndalýda. Osy jolǵy daıyndyqqa 25 fýtzalshynyń 17-si shaqyryldy. Biraq Slovenııaǵa olardyń 14-i ǵana barady.
Sonymen qatar ulttyq quramamyz 27 qańtarda Ýkraınamen joldastyq kezdesý ótkizýdi josparlap otyr. Al Eýropa chempıonatyndaǵy alǵashqy oıynymyz 1 aqpanda Polsha quramasyna qarsy ótedi. Araǵa eki kún salyp, toptaǵy ekinshi qarsylasymyz - Reseımen kúsh synasatyn bolamyz.
Oqý-jattyǵý jıynyna shaqyrtý alǵan fýtzalshylar:
Qaqpashylar: Grıgorıı Shamro («Aqtóbe»), Igıta («Qaırat»);
Alańdaǵy oıynshylar: Arnold Knaýb, Aleksandr Dovgan, Daýren Tursaǵulov, Birjan Orazov (Bári - «Jetisý»), Serik Jamanqulov, Leo, Dinmuhambet Súleımenov, Shyńǵys Esenamanov, Mıhaıl Pershın, Dýglas, Daýren Nurǵojın (Bári - «Qaırat»), Pavel Taký, Qaırat Imanalın, Albert Akbalıkov (Bári - «Aqtóbe»), Anton Ryndın («Aıat»).
