Fýtzaldan ÝEFA Chempıondar lıgasy tórteýdiń fınalyna jerebe tartyldy
ASTANA. QazAqparat - Búgin Almatyda Qazaqstannyń Fýtbol federatsııasy prezıdentiniń keńesshisi Seıildá Baıshaqovtyń qatysýymen fýtzaldan ÝEFA Chempıondar lıgasy tórteýdiń fınalyna jerebe tartyldy, dep habarlaıdy QazAqparat Sports.kz-ke silteme jasap.
Jerebe tartý rásimi Qazaqstan jáne Horvatııa ulttyq quramalarynyń arasyndaǵy joldastyq kezdesýdiń taımdary arasyndaǵy úzilis kezinde ótti.
Oǵan sáıkes, Almatynyń «Qaıraty» Ispanııanyń «Barselona» komandasymen kúsh synasady. Ekinshi jup «Sportıng» (Portýgalııa) jáne «Inter» (Ispanııa) komandalarynan quraldy.
Eske sala keteıik, fýtzaldan ÝEFA Chempıondar lıgasynyń fınal týrnıri bıyl sáýir aıynyń sońǵy demalys kúnderi «Almaty Arena» sport kesheninde ótedi.
