Fýtzaldan UEFA Chempıondar lıgasy negizgi satysynyń jerebesi tartyldy
NUR-SULTAN. QazAqparat - Fýtzaldan qazaqstandyq klýbtardyń qatysýymen ótetin UEFA Chempıondar lıgasy negizgi satysynyń jerebesi tartyldy, dep habarlaıdy QazAqparat tilshisi.
Almatylyq «Qaırat» A tobyna tústi. Qarsylastary - frantsııalyq «Sportıng», belgııalyq «Anderleht» jáne ıspanııalyq «Malorka».
Qazaqstandyq komanda atalǵan týrnırge 19-márte qatysady.
El birinshiliginiń kúmis júldegeri - rýdnyılyq «Aıat» V tobynda horvatııalyq «Novo Vremıa» jáne «Pýla», portýgalııalyq «Sportıngpen» kezdesedi.
Árbir toptan úzdik úshtikke engen komandalar jarystyń elıtalyq satysyna joldama alady.
Týrnırdiń negizgi satysynyń oıyndary bıylǵy jyldyń 25-30 qazan aralyǵynda ótkiziledi.
Eske salsaq, keshe fýtboldan Qazaqstan kýbogynda «Astana» «Jetisýmen» teń tústi.
Ashyq kózderden alynǵan foto
