Fýtzaldan qazaqstandyq klýbtardyń Chempıondar lıgasyndaǵy qarsylastary anyqtaldy

ASTANA. QazAqparat – Fýtzaldan qazaqstandyq klýbtardyń UEFA Chempıondar lıgasy negizgi satysyndaǵy qarsylastary belgili boldy, dep habarlaıdy QazAqparat tilshisi.

Jarystyń atalǵan satysynda elimizdiń atynan almatylyq «Qaırat» pen Rýdnyıdyń «Aıat» klýbtary synǵa túsedi.

Almatylyq «Qaırat» úshinshi topta Ispanııanyń «Palma», Vengrııanyń «Haladash» jáne Lıýksembýrgtiń «Dıfferdanj» komandalarymen kezdesedi.

Oıyndar 24 jáne 29 qazan aralyǵynda Ispanııanyń Palma-de-Maıorka qalasynda bolady.

Al, «Aıat» birinshi topta baq synaıdy. Qarsylastary – Portýgalııanyń «Sportıng», Horvatııanyń «Olmıssým» jáne Ýkraınanyń «Hıt» komandalary.

Oıyndar «Olmıssýmnyń» alańynda bıylǵy jyldyń 24 jáne 29 qazan aralyǵynda ótkiziledi.

Eske salsaq, budan buryn fýtzaldan álem chempıonatyna irikteý: Qazaqstan quramasynyń qarsylastary anyqtaldy.