Fýtzaldan qazaqstandyq tóreshi Chempıondar lıgasynda qyzmet atqarady

ASTANA. KAZINFORM – Fýtzaldan qazaqstandyq tóreshi Nurlybek Qalımaǵanbetov Chempıondar lıgasynda qyzmet atqarady. Aqtaýlyq tóreshi Nurlybek Qalımaǵanbetov UEFA tarapynan Chempıondar lıgasynyń irikteý kezeńindegi oıyndaryna tóreshilik etýge shaqyrtý aldy. 

Bıyl 38 jastaǵy arbıtr alǵash ret halyqaralyq dárejedegi tóreshi boldy. Endi oǵan aldaǵy ýaqytta halyqaralyq oıyndarda qyzmet atqarýǵa múmkindik týdy.

Nurlybek Qalımaǵanbetov 21-24 tamyz aralyǵynda Moldova astanasy Kıshınevte ótetin G tobynyń matchtarynda qyzmet atqarady. Bul topta «Shırokı Brıeg» (Bosnııa jáne Gertsegovına), «Makkabı» (Netanııa, Izraıl), «Djordjıans» (Grýzııa) jáne «Klık» (Moldova) oıyndary bolady.

Sondaı-aq fýtzaldan Qazaqstan quramasy Tájikstanmen 22 jáne 24 tamyz kúnderi eki joldastyq kezdesý ótkizedi. 

Odan keıin Qazaqstan quramasynyń Iranǵa qarsy eki joldastyq matchy josparlanǵan. Oıyndar 30 tamyz jáne 1 qyrkúıekke belgilengen.