Fýtzaldan Qazaqstan ulttyq quramasy joldastyq kezdesýde Qyrǵyzstandy jeńdi
ASTANA. KAZINFORM - Fýtzaldan Qazaqstan ulttyq quramasynyń joldastyq kezdesýde Qyrǵyzstannan basym tústi.
Ulttyq qurama 4 sáýirde Taraz qalasynda oqý-jattyǵý jıyny aıasynda Qyrǵyzstanmen kezdesti.
Qyrǵyzstandyq fýtzalshylar ázirge álem chempıonaty fınaldyq satysynda oınaı alǵan joq.
Al Azııa chempıonatynda 14 márte baq synap, 2005 jyly qola júlde aldy.
Oıyn barysynda qyrǵyzstandyq fýtbolshylar eki gol soǵyp ketti.
Oǵan Shyńǵys Esenamanov 11, Azat Valıýllın 39, Batyrhan Kenjeǵalı 40-mınýtta úsh golmen jaýap berdi.
Osylaısha Qazaqstan quramasy qarsylasyn 3:2 esebimen tize búktirdi.
Endi qazaqstandyq fýtzalshylar 7 jáne 9 sáýir kúnderi Ózbekstanmen sheberlik baıqasady.
Aıta ketsek, Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.
El quramasy álem chempıonaty irikteý satysynda A tobynda Rýmynııa, Ázerbaıjan jáne Nıderlandpen oınap, birde-bir kezdesýde upaı joǵaltqan joq.
Nátıjesinde olar bıyl 14 qyrkúıek pen 6 qazan aralyǵynda Ózbekstanda bolatyn dúbirli dodaǵa joldama aldy.
