Fýtzaldan Qazaqstan ulttyq quramasy Italııaǵa jetti
ASTANA. KAZINFORM - Fýtzaldan Qazaqstan ulttyq quramasy 2026 jylǵy Eýropa chempıonatyna irikteý kezeńi pleı-off satysyndaǵy alǵashqy oıynyn ótkizý úshin Italııaǵa jetti.
Qazaqstan fýtzal qaýymdastyǵynyń prezıdenti Nursultan Qurmannyń habarlaýynsha, alǵashqy kezdesýde el quramasynan kimderdiń oıynǵa shyǵa almaıtyny belgili boldy
Sary qaǵazdyń kóptigine baılanysty Birjan Orazov pen Leo, jaraqaty saldarynan Jahangır Rashıt quramaǵa kómektese almaıdy. Esesine jaraqatynan aıyqqan Albert Aqbalyqovtyń alańǵa shyǵýyna múmkindigi bar.
Bas bapker Paýlo Rıkardo Kaka aldaǵy pleı-off kezeńindegi ulttyq quramanyń Italııamen eki kezdesýine tómendegi oıynshylarǵa senim artty.
Qaqpashylar: Igıta, Qanat Jetkirbaev, Talǵat Ótepbergenov;
Alańdaǵy oıynshylar: Dýglas, Edson, Birjan Orazov, Damır Qaıyrbaı, Shyńǵys Esenamanov, Arnold Knaýb, Aqjol Dáribaı, Rınat Tóreǵazın. Erjan Karmenov, Ábdirasýl Ábdimanapuly, Ivan Marahov, Albert Aqbalyqov, Vladıslav Chernomordov.
Kezdesý Qazaqstan ýaqytymen 22:50-de bastalyp, «Qazsport» telearnasynan tikeleı efırde kórsetiledi.