Fýtzaldan Qazaqstan quramasynyń bas bapkeri qyzmetinen ketetinin málimdedi
ASTANA. QazAqparat - Fýtzaldan Qazaqstan quramasynyń bas bapkeri qyzmetinen ketetinin málimdedi. Onyń ornyna kelýi múmkin adamdardyń ishinde bapkerdiń bas kómekshisi - Joze Alesıonyń bási joǵary tur. Dál osy maman quramany Evro-2018-ge daıyndaıdy dep boljanyp otyr.
Kolýmbııada ótip jatqan 2016 jylǵy chempıonatty aıaqtaǵannan keıin bergen suhbatynda Kakaý jýyq arada ornyn bosatatynyn aıtqan, dep jazady Sports.kz.
Kakaý 2004-2009 jyldar aralyǵynda «Qaırattyń» quramynda oınaǵan. Tórt jyldan keıin ol ári óz komandasynyń, ári ulttyq quramanyń bapkeri atandy. Kakaý jattyqtyrǵan kezeńde «Qaırat» 2 ret ÝEFA kýbogyn jeńip alǵan edi.
Esterińizge sala keteıik, 2016 jylǵy álem chempıonatynda Qazaqstan quramasy toptyq kezeńniń sheshýshi oıynynda Solomon araldarynyń quramasyn 10:0-men jeńip, alǵash ret pleı-off kezeńine shyqty. Alaıda ıspandyqtar jerlesterimizdi jarys jolynan taıdyrdy.
