Fýtzaldan Qazaqstan quramasyn Alesıo jattyqtyratyn boldy
ASTANA. QazAqparat - Fýtzaldan Qazaqstan ulttyq quramasyn brazılııalyq maman Alesıo jattyqtyratyn boldy. Bul týraly QR fýtzal qaýymdastyǵynyń resmı saıty habarlady.
Alesıo men komanda arasyndaǵy kelisimshart merzimi men onyń sharttary jarııalanǵan joq. Jattyqtyrýshy osyǵan deıin komandany jattyqtyryp kelgen Kakaýdyń kómekshisi bolǵan. Al Kakaý bolsa «Qaırattaǵy» qyzmetine birjola aýysty.
Joze Alesıo Da Sılva Brazılııanyń Resıfı qalasynda dúnıege kelgen. 48 jastaǵy jattyqtyrýshy tájirıbeli mamandardyń biri. 2014-2015 jyldary Kakaýdyń kómekshisi bolsa, oǵan deıin Ázirbaıjan quramasy men «Araz» komandalarynda da jattyqtyrýshylyq qyzmette bolǵan.
Qazaqstan ulttyq quramasy Alesıonyń jattyqtyrýymen alǵashqy oıynyn 2018 jylǵy irikteý kezeńi aıasynda Almatyda ótkizedi. 4-12 sáýir aralyǵynda ótetin elektik kezeńde otandastarymyz Chehııa, Makedonııa jáne aldyn ala irikteý boıynsha «E» tobynda (Norvegııa, Danııa, Kıpr jáne Kosovo) birinshi oryn alǵan komandamen kezdesedi.
Aıta keteıik, Kakaý jattyqtyrǵan tusta Qazaqstan quramasy halyqaralyq dodalarda sátti óner kórsetti. Ásirese, ótken jyly Serbııada ótken Eýropa chempıonatynda qazaqstandyq fýtzalshylary qola júldeger atandy. Kolýmbııadaǵy álem chempıonatyna qatysyp, topta ekinshi oryn alǵan-dy.
