Fýtzaldan Qazaqstan quramasy frantsýzdardan basym tústi
BAKÝ. 28 aqpan. QazAqparat /Arnur Muhametkarım/ - Keshe, 27 aqpanda, Baký sport ortalyǵynda fýtzaldan Eýropa chempıonatynyń biliktilik kezeńiniń aıasyndaǵy birinshi toptaǵy komandalardyń arasynda Qazaqstan quramasy Frantsııa komandasyn 2:0 esebimen jeńdi.
Ulttyq quramanyń kapıtany Dinmuhamed Súleımenov birinshi taımnyń 17-mınýtynda esep ashsa, ekinshi kezeńniń 6-mınýtynda frantsýz oıynshysy avtogol salyp, qazaqstandyqtardyń jeńisin eselep berdi.
Osylaısha, Qazaqstan quramasy birinshi toptaǵy týrnır kestesinde úshinshi orynnan tabyldy. Bul jetistik jattyqtyrýshy Ámirjan Muqanovtyń oıynshylaryna Eýro-2012 chempıonatynyń fınalyna shyǵýǵa múmkindik berip otyr.
Jeksenbi kúni sondaı-aq Ázirbaıjan jáne Ispanııa komandalary kezdesti. Pıreneı túbeginiń ókilderi qarsylastarynan basyp túsip, Ázirbaıjan quramasyn 8:3 esebimen jeńdi.
Jeńilisterine qaramastan, ázirbaıjandyqtar da 2012 jyly Horvatııada ótetin fýtzaldan Eýropa chempıonatynyń fınaldyq kezeńine ótedi. Azerisport.com saıtynyń aqparaty boıynsha, chempıonatqa Ispanııa, Reseı, Serbııa, Portýgalııa, Chehııa, Rýmynııa, Ýkraına, Túrkııa, Italııa jáne Slovenııa quramalary da joldama alyp otyr.
