Fýtzaldan Qazaqstan quramasy Eýrochempıonattardyń rekordyn ornatty
ASTANA. QazAqparat - Qazaqstannyń fýtzaldan 2018 jylǵy Eýropa chempıonatynyń jartylaı fınalyna shyǵýy tarıhı jetistik boldy, dep jazady Sports.kz.
Buǵan deıin Eýropa chempıonattarynyń birde-bir debıýtantyna eki jyl qatarynan eki ret jartylaı fınalǵa shyǵý baqyty buıyrmaǵan.
Osyǵan uqsas nátıjelerimen 1996 jáne 1999 jyldary ótken alǵashqy Eýropa chempıonattarynyń jartylaı fınaldarynda óner kórsetken Ispanııa, Reseı jáne Italııa quramalary ǵana maqtana alady. Biraq ol chempıonattardyń arasynda úsh jyldyq úzilis bolǵan edi.
Eske sala keteıik, Slovenııada ótip jatqan qurlyq chempıonatynyń shırek fınalynda bizdiń jigitter Serbııany 3:1 esebimen utty.
Qazaqstan quramasy jartylaı fınalda búgin túnde, Astana ýaqytymen 02:00-de ótetin Ýkraına-Ispanııa kezdesýiniń jeńimpazymen oınaıdy.
