Fýtzaldan Qazaqstan quramasy Ázerbaıjanmen eki márte joldastyq kezdesý ótkizedi
ASTANA. QazAqparat - Fýtzaldan Qazaqstan quramasy búgin jáne erteń Ázerbaıjanmen eki márte joldastyq kezdesý ótkizedi, dep habarlaıdy QazAqparat tilshisi.
Oıyndar 19-20 qyrkúıek kúnderine josparlanǵan. Eki kezdesý de Aqtaý qalasyndaǵy «Halyq Arena» sport kesheninde ótpek. Bul fýtzaldan 2024 jylǵy álem chempıonatyna irikteýge daıyndyq esebinde uıymdastyrylyp otyr.
Atalǵan kezdesý elorda ýaqytymen 21:00-de bastalyp, «Qazsport» telearnasynan tikeleı efırde kórsetiledi.
Qazaqstandyq fýtzalshylar atalǵan týrnırdiń negizgi satysyndaǵy irikteý kezeńinde besinshi topta synǵa túsedi. Qarsylastary - Slovenııa jáne Chernogorııa. Іrikteý kezeńi 2022 jyldyń 8 qazanynda bastalyp, 2023 jyldyń 8 naýryzynda aıaqtalady.
Joldastyq kezdesýge qatysatyn oıynshylar tizimi tómendegishe:
Qaqpashylar: Igıta, Narýn Serıkov (ekeýi de - «Qaırattan»), Akjol Qaıratuly («Kaspıı»).
Alańdaǵy oıynshylar: Dýglas, Dáýren Nurǵojın, Shyńǵys Esenamanov, Birjan Orazov, Dáýren Tursaǵulov, Albert Aqbalyqov, Edson (barlyǵy - «Qaırattan»), Taınan («El-Poso», Ispanııa), Arnold Knaýb, Raıymbek Juma, Jahangır Rashıt (barlyǵy - «Kaspııden»), Azat Valıýllın, Abdırasýl Ábdýmanapuly (ekeýi - «Aıattan»), Evgenıı Koshkın («Astana»).
Eske salsaq, budan buryn fýtzaldan Qazaqstan kýbogynyń ıegeri anyqtaldy.
Foto: sports.kz
