Fýtzaldan Qazaqstan quramasy Ázerbaıjanǵa qarsy quramyn jarııalady
NUR-SULTAN. QazAqparat - Fýtzaldan Qazaqstan ulttyq quramasynyń Ázerbaıjanmen ótetin eki joldastyq kezdesýine shaqyrylǵan oıynshylar tizimin jarııalandy, dep habarlaıdy QazAqparat tilshisi.
Oqý-jattyǵý jıyny búgin, 12 qyrkúıekten bastalady. Jıyn aıasynda Qazaqstan quramasy Ázerbaıjanmen eki joldastyq kezdesý ótkizedi. Eki kezdesý de Aqtaý qalasyndaǵy «Halyq arena» sport kesheninde ótkiziledi.
Oqý-jattyǵý jıynyna shaqyrtylǵan oıynshylar tizimi tómendegishe:
Qaqpashylar: Igıta, Narýn Serikov (ekeýi de - «Qaırat»), Aqjol Qaıratuly («Kaspıı»);
Alańdaǵy oıynshylar: Dýglas, Dáýren Nurǵojın, Shyńǵys Esenamanov, Birjan Orazov, Dáýren Tursaǵulov, Albert Aqbalyqov, Edson (barlyǵy - «Qaırat»), Taınan («El-Poso», Ispanııa), Arnold Knaýb, Raıymbek Juma, Jahanger Rashıt (barlyǵy - «Kaspıı»), Azat Valıýllın, Ábdirasýl Ábdimanapuly (ekeýi de - «Aıat»), Evgenıı Koshkın («Astana»);
Joldastyq kezdesýler 19 jáne 20 qyrkúıek kúnderi ótedi. Oıyndardyń bastalý ýaqyty keıin belgili bolady.
Fýtzaldan Ázerbaıjan quramasy álem chempıonaty fınaldyq satysyna 2016 jyly qatysyp, 1/4 fınalǵa deıin jetti. Al Eýropa chempıonaty fınaldyq satysynda eki márte baq synap, toptyq kezeńnen asa alǵan joq.
Eske salsaq, budan buryn fýtzaldan Qazaqstan kýbogynyń ıegeri anyqtaldy.
