Fýtzaldan Qazaqstan quramasy álemdik «Futsalplanet Awards» nomınatsııasyna usynyldy
NUR-SULTAN.QazAqparat – Qazaqstan quramasy halyqaralyq «Futsalplanet Awards 2020» nomınatsııasyna usynyldy, dep habarlaıdy QazAqparat tilshisi.
Qazaqstan quramasy bul atalymǵa osymen úshinshi ret usynylyp otyr. «Futsalplanet Awards» – shaǵyn fýtboldan álemniń úzdik quramasyna beriletin syılyq.
2020 jyly Qazaqstan quramasy halyqaralyq jarystarda tórt oıyn ótkizip, úsheýinde jeńiske jetip, bireýinde utyldy. Álem chempıonatyna joldama alyp, 2022 jylǵy Eýropa chempıonatynyń irikteý kezeńin sátti bastady.
2015 jyly Qazaqstan fýtzal sheberleri álemniń úzdik úsh quramasy qataryna endi.
Sonymen álemniń úzdik quramasy ataǵyna úmitker elder tizimi:
1. Argentına;
2. Brazılııa;
3. Chehııa;
4. Qazaqstan;
5. Marokko;
6. Portýgalııa;
7. Reseı;
8. Serbııa;
9. Ispanııa;
10. Venesýela.
