Fýtzaldan Qazaqstan quramasy álem chempıonatyna attandy
ASTANA. QazAqparat - Fýtzaldan Qazaqstan ulttyq quramasy Kolýmbııadaǵy álem chempıonatyna attandy. Otandastarymyz «E» tobynda Argentına, Kosta-Rıka jáne Solomon araldary quramasymen oınaıtyn bolady, dep jazady massaget.kz.
31 tamyz kúni ulttyq quramanyń bas jattyqtyrýshysy Kakaý Kolýmbııadaǵy dodaǵa baratyn oıynshylardyń tizimin jarııalaǵan bolatyn. Olardyń qataryna komandanyń ekinshi nómirli qaqpashysy Grıgorıı Shamro enbedi. Ol Taılandta ótken halyqaralyq týrnırde jaraqat alyp qalǵan bolatyn. Oıynshylar qatary tómendegideı:
Qaqpashylar:
1. Igıta («Qaırat»)
2. Aleksandr Gýrov («Qaırat»);
Oıynshylar:
1. Dinmuhambet Súleımenov («Qaırat»),
2. Serik Jamanqulov («Qaırat»),
3. Shyńǵys Esenamanov («Qaırat»),
4. Dáýren Nurǵojın («Qaırat»),
5. Dýglas («Qaırat»),
6. Everton («Qaırat»),
7. Leo («Sportıng», Portýgalııa),
8. Mıhaıl Pershın («Qaırat»),
9. Pavel Taký (Tulpar»),
10. Aleksandr Dovgan (Tulpar»),
11. Arnold Knaýb (Tulpar»),
12. Nıkolaı Pengrın (Tulpar»).
Kolýmbııadaǵy doda 10 qyrkúıek pen 2 qazan aralyǵynda ótedi. Qazaqstan quramasy alǵashqy oıynyn 12 qyrkúıek kúni Argentına quramasyna qarsy ótkizedi.
Aıta keteıik, fýtzaldan álem chempıonaty 1989 jyldan beri uıymdastyrylyp keledi. Tórt jylda bir ótetin dodanyń tarıhynda Brazılııa quramasy 5 ret, Ispanııa quramasy 2 ret jeńis tuǵyrynan kóringen. Ózge eldiń quramalary bul jetistikti áli baǵyndyra qoıǵan joq.
