Fýtzaldan Qazaqstan quramasy álem chempıonaty aldynda jańa formasyn tanystyrdy
ALMATY. QazAqparat - Fýtzaldan Qazaqstan stýdentter quramasy tamyzdyń 19-y men 26-y aralyǵynda ótetin álem chempıonatyna arnalǵan jańa formasyn tanystyrdy, dep habarlaıdy QazAqparat aqparattyq jáne sporttyq HAB-qa silteme jasap.
Quramanyń negizgi formasy ashyq sary, al ekinshisi aq tústi bolyp keledi. Formany búgin arnaıy ótken baspasóz máslıhatynda erler jáne áıelder komandasynyń kapıtandary Ramına Mamedova men Birjan Orazov tanystyrdy.
«Daıyndyq óte jaqsy. Joǵary nátıjege qol jetkizemáz dep oılaımyn. Árıne barlyq komandalar chempıon bolýǵa laıyq, bizdiń topta Chehııany erekshe atap ótse bolady. Biz jeńý úshin bar kúshimizdi salamyz», - dedi Birjan Orazov bólisti.
Aıta keter jaıt, erler ulttyq quramasy «V» tobynda Belarýs, Chehııa, Jańa Zelandııamen, al, áıelder komandasy Portýgalııa, Frantsııa, Jańa Zelandııamen oınaıdy.
Uıymdastýryshalardyń aıtýynsha barlyq oıyndar joǵary deńgeıde ótkiziletin bolady. Almaty qalasy álem chempıonatqa tyńǵylyqty daıyndaldy. Qala boıynsha qaýipsizdik, kóliktik logıstıka jáne densaýlyq saqtaý sharalary daıyn. Sonymen qatar, doda kezinde qalada kóptegen sharalar uıymdastyrylyp, quramalar aýla komandalary arasynda sheberlik sabaqtaryn ótkizedi.
Bul chempıonat Qazaqstandaǵa emes, TMD memleketter arasynda alǵash ret uıymdastyrylady. Jarysta 6 erler jáne 9 áıeder quramalary óner kórsetedi. Olar, Kanada, Germanııa, Frantsııa, Argentına, Jańa Zelandııa, Bolgarııa, Portýgalııa, Polsha, Horvatııa, Slovakııa, Chehııa, Reseı, Qytaı, Izraıl, Taıland, Ýkraına.
Oıyndar Almaty Arena men Halyk Arena muz keshenderinde saǵat 10:00-den bastalady. Saltanatty ashylýy tamyzdyń 19-y kúni Almaty Arena-da saǵat 12:00-de ótedi.
Bul chempıonat 1984 jyldan bastap Halyqaralyq stýdentter sporty federatsııasynyń (FISU) qamqorlyǵymen eki jylda bir ret ótkiziledi. 2016 jyldyn chempıony bolyp erler men áıelder quramalary arasynda Brazılııa atanǵan bolatyn.
Jarystyń tolyq kestesin resmı saıttan kórýge bolady.
