Fýtzaldan Qazaqstan quramasynyń aldaǵy oıyndarǵa qatysatyn oıynshylary anyqtaldy
ASTANA. KAZINFORM - Fýtzaldan Qazaqstan ulttyq quramasynyń aldaǵy oqý-jattyǵý jıynyna shaqyrtý alǵan oıynshylar tizimi belgili boldy.
El quramasynyń bas bapkeri Paýlo Rıkardo Kaka sáýirdegi oqý-jattyǵý jıynyna tek Qazaqstan chempıonatynda óner kórsetetin oıynshylardy shaqyrdy. Al Birjan Orazov, Dáýren Tursaǵulov jáne Dýglas jaraqattaryna baılanysty jıynǵa qatyspaıdy.
Aldaǵy oqý-jattyǵý jıynynda bas bapker Leo Igıta, Narýn Serikov, Qanat Jetkirbaev sekildi qaqpashylardyń daıyndyǵyn pysyqtap kóredi.
Sondaı-aq, Arnold Knaýb, Edson, Jahangır Rashıt, Damır Qaıyrbaı, Ashat Kólbaev, Egor Nýlet, Ábdirasýl Ábdimanauly, Azat Valıýllın, Anton Ryndın, Shyńǵys Esenamanov, Raıymbek Juma, Rınat Tóreǵazın, Batyrhan Kenjeǵalı, Tórehan Dosov, Nurqanat Baqtııarovqa senim artady.
Oqý-jattyǵý jattyǵý jıyny aıasynda fýtzaldan el quramasy Taraz qalasynda Qyrǵyzstan jáne Ózbekstan quramalarymen joldastyq kezdesý ótkizedi.
El quramasy aldymen 4 sáýirde jabyq rejımde Qyrǵyzstanmen oınaıdy. Odan keıin 7 jáne 9 sáýir kúnderi Ózbekstanmen sheberlik baıqasady.
Qazaqstandyq fýtzalshylar bıyl 14 qyrkúıek pen 6 qazan aralyǵynda Ózbekstanda bolatyn dúbirli dodaǵa joldama aldy.
