Fýtzaldan Qazaqstan quramasy joldastyq kezdesýde Vetnamnan jeńilip qaldy

ASTANA. KAZINFORM — Búgin fýtzaldan Qazaqstan ulttyq quramasy joldastyq kezdesýde Vetnamnan jeńilip qaldy. 

Jankúıerler búgingi oıynnyń basty favorıti retinde Qazaqstan quramasyna senim bildirgen edi.

FIFA reıtınginde qazaqstandyq fýtzalshylar jetinshi orynda tursa, Vetnam otyz birinshi orynǵa jaıǵasqan. 

Soǵan qaramastan vetnamdyqtar joǵary deńgeıde oıyn kórsete bildi. Olar 14-mınýtta esep ashsa, Erjan Karmenov 32-mınýtta tarazy basyn teńestirdi.

Oıynnyń sońǵy eki mınýtynda el quramasy óz qaqpasynan úsh gol alyp shyǵýǵa májbúr boldy. Onyń bireýi 39-mınýtta qaqpaǵa ense, ekeýi 40-mınýtta soǵyldy.

Kezdesýde qazaqstandyq fýtzalshylar qarsylasyna 1:4 esebimen ese jiberdi.

Endi olar atalǵan qarsylasymen 15 sáýirde taǵy bir márte joldastyq kezdesý ótkizedi.

Aıta ketsek, kezdesýge daıyndyq 8 sáýirde Astanada bastaldy. Oǵan 14 oıynshy qatysty.
FIFA kúntizbesine sáıkes ulttyq qurama 8-16 sáýir aralyǵynda oqý-jattyǵý jıynyn uıymdastyrady. 

Buǵan deıin fýtzaldan Qazaqstan quramasy Vetnammen joldastyq kezdesý ótkizetinin jazǵan edik.