Fýtzaldan Qazaqstan quramasy Vetnammen joldastyq kezdesý ótkizedi

ASTANA. KAZINFORM — Fýtzaldan Qazaqstan quramasy 13-15 sáýir kúnderi Vetnammen eki joldastyq kezdesý ótkizedi.

Qazaqstan fýtbol federatsııasynyń habarlaýynsha, FIFA kúntizbesine sáıkes ulttyq qurama 8-16 sáýir aralyǵynda oqý-jattyǵý jıynyn uıymdastyrady. Olar oqý-jattyǵý jıyny aıasynda Vetnammen sheberlik baıqasady. Eki kezdesý sol eldiń astanasy Hoshımın qalasynda 13-15 sáýir kúnderi bolady.

Oqý-jattyǵý jıyny 8 sáýirde Astanada bastalady. Oǵan 14 oıynshy shaqyrtylǵan:

Qaqpashylar: Leo Igıta («Semeı»), Qanat Jetkirbaev («Aqtóbe»)

Alańdaǵy oıynshylar: Azat Valıýllın («Aıat»), Ersultan Saǵyndyqov («Aıat»), Ivan Marahov («Aıat»), Jahangır Rashıt («Qaırat»), Damır Qaıyrbaı («Qaırat»), Aqjol Dáribaı («Semeı»), Erjan Karmenov («Semeı»), Ábdirásil Abdýmanapuly («Semeı»), Albert Aqbalyqov («Aqtóbe»), Saıfýlla Qospanov («Aqtóbe»), Nursultan Pııaly («Ordabasy»), Aleksandr Derıabın («Tıýmen», Reseı).

10 sáýir kúni fýtzaldan Qazaqstan ulttyq quramasy Vetnamǵa attanady.

Eske salsaq, Fýtzaldan Qazaqstan quramasy FIFA reıtınginde eki satyǵa tómendedi.