Fýtzaldan Qazaqstan quramasy Vetnammen teń tústi

ASTANA. KAZINFORM - Búgin fýtzaldan Qazaqstan ulttyq quramasy ekinshi joldastyq kezdesýinde Vetnammen teń tústi.

Kezdesý barysynda qazaqstandyq fýtzalshylar eki gol qatarynan soǵyp ketti. Ony el quramasynan Ersultan Saǵyndyqov pen Nursultan Pııaly óziniń enshisine jazdy.

Ekinshi kezeńde vetnamdyq qurama eki gol soǵyp, tarazy basyn teńestirip ketti.

Osylaısha quramalar 2:2 esebine qanaǵat bildirdi.

Alǵashqy joldastyq kezdesýinde qazaqstandyq fýtzalshylar atalǵan qarsylasyna 1:4 esebimen ese jiberdi.

Aıta ketsek, kezdesýge daıyndyq 8 sáýirde Astanada bastaldy. Oǵan 14 oıynshy qatysty.

FIFA kúntizbesine sáıkes ulttyq qurama 8-16 sáýir aralyǵynda oqý-jattyǵý jıynyn uıymdastyrdy.

Eske salsaq, FIFA jarııalaǵan fýtzal quramalarynyń reıtınginiń jańartylǵan nusqasynda Qazaqstan ulttyq quramasy jetinshi orynǵa turaqtady. Ol burynǵy ornynan eki satyǵa tómendedi.