Fýtzaldan Qazaqstan quramasy tórtinshi jeńisine qol jetkizdi
Qazaqstan quramasy fýtzaldan 2024 jylǵy álem chempıonatynyń elıtalyq irikteý kezeńinde tórtinshi oıynyn elordada Ázerbaıjanǵa qarsy ótkizdi, dep habarlaıdy Kazinform.
Alǵashqy mınýttan quramalar birden shabýylǵa shyqty. Nátıjesinde ázerbaıjan fýtzalshylary birden eki gol soǵyp ketti. Ol 4 jáne 8-mınýtta Amadeý men Kardozonyń enshisine jazyldy.
Al qazaqstandyq quramadan Leo – 13, Birjan Orazov 18-mınýtta eki gol soǵyp, tarazy basyn teńestirdi.
Al 22-mınýtta el quramasynan Djýnıor Dýglas mergendik tanytyp, komandany alǵa shyǵardy.
Osylaısha Qazaqstan qarsylasynan 3:2 esebimen basym túsip, qatarynan tórtinshi jeńisine qol jetkizdi.
Aıta keteıik, atalǵan topta 10 qyrkúıekte Rýmynııa men Nıderland quramalary 1:1 esebimen teń tústi.
Tórt týrdan keıin qazaqstandyq fýtzalshylar 12 upaımen kósh basynda tur.
El quramasy A tobynda synǵa túsip jatyr. Qarsylastary – Rýmynııa, Ázerbaıjan jáne Nıderland. Qazaqstandyqtar budan buryn Rýmynııany 4:3, Nıderlandty 2:0 esebimen jeńgen edi. Sondaı-aq syrt alańda Ázerbaıjandy 4:2 esebimen tize búktirdi.
Endi QR fýtzalshylary 14 jeltoqsanda óz alańynda Nıderlandpen kezdesse, 20 jeltoqsanda Rýmynııaǵa barady.
2024 jylǵy álem chempıonaty Ózbekstanda ótedi.
