Fýtzaldan Qazaqstan quramasy sáýirde oqý-jattyǵý jıynyn ótkizedi
ASTANA. KAZINFORM — Fýtzaldan Qazaqstan ulttyq quramasynyń sáýir aıyndaǵy oqý-jattyǵý jıynyna shaqyrtylǵan oıynshylar tizimi belgili boldy.
Bul jóninde Qazaqstan fýtbol federatsııasy málim etti.
Bizdiń jigitter FIFA kúntizbesine sáıkes 5-15 sáýir aralyǵynda oqý-jattyǵý jıynyn ótkizedi. Kakaý bastaǵan bizdiń jigitter oqý-jattyǵý jıyny aıasynda otandastarymyz Aqtaý qalasynda Ázerbaıjan quramasymen 13 jáne 15 sáýir kúnderi eki joldastyq match ótkizedi.
Qazaqstan quramasynyń tizimi
Qaqpashylar: Leo Igıta, Narýn Serikov («Aqtóbe»), Dáýlet Zatybekov («Tulpar»);
Alańdaǵy oıynshylar: Edson, Birjan Orazov, Dáýren Týrsagýlov (barlyǵy — «Qaırat»), Arnold Knaýb, Ábdirasýl Ábdimanapuly, Erjan Karmenov (ekeýi — «Semeı»), Azat Valıýllın («Aıat»), Jahangır Rashıt («Atyraý»), Aqjol Dáribaı («Tulpar»), Damır Qaıyrbaı («Kaspıı»), Albert Aqbalyqov («Aqtóbe»), Aqedil Madııarov («Baıterek»), Aleksandr Derıabın («Tıýmen», Reseı).
Aıta ketsek, budan buryn Rıkardo Kamara Sobral (Kakaý) fýtzaldan Qazaqstan ulttyq quramasynyń jańa bas bapkeri bolyp taǵaıyndaldy.
Oǵan kómekshi qyzmetine ulttyq quramanyń buryngy oıynshysy Dinmuhambet Súleımenov taǵaıyndaldy.
