Fýtzaldan Qazaqstan quramasy sapynda aldaǵy eki oıynǵa kimder qatysady
ASTANA. KAZINFORM — Fýtzaldan Qazaqstan ulttyq quramasynyń 2026 jylǵy Eýropa chempıonatyna irikteý kezeńiniń pleı-off oıyndaryna shaqyrylǵan tizimi jarııalandy.
Bas bapker Paýlo Rıkardo Kaka aldaǵy pleı-off kezeńindegi ulttyq quramanyń Italııamen eki kezdesýine tómendegi oıynshylarǵa senim artty.
Qaqpashylar: Igıta, Qanat Jetkirbaev, Talǵat Ótepbergenov;
Alańdaǵy oıynshylar: Dýglas, Edson, Birjan Orazov, Damır Qaıyrbaı, Shyńǵys Esenamanov, Arnold Knaýb, Aqjol Dáribaı, Rınat Tóreǵazın. Erjan Karmenov, Ábdirasýl Ábdimanapuly, Ivan Marahov, Albert Aqbalyqov, Vladıslav Chernomordov.
Alǵashqy kezdesý 18 qyrkúıekte syrt alańda Fazano qalasynda ótse, 23 qyrkúıekte qarymta kezdesý Astanada bolady.
El quramasy 2026 jylǵy Eýropa chempıonatynda óz tobynda ekinshi oryndy mise tutty.
Aldymen Albanııany 2:0 esebimen jeńse, odan keıin Armenııamen 4:4 esebimen teń oınady.
Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tússe, dál sondaı eseppen syrt alańda Armenııaǵa ese jiberdi.
Osylaısha qurlyqtyq dodaǵa tikeleı shyǵý múmkindigin joǵaltyp aldy. Bul topta 16 upaımen birinshi orynǵa Armenııa quramasy taban tiredi.