Fýtzaldan Qazaqstan quramasy Ózbekstanǵa kelip jetti

ASTANA. KAZINFORM - Fýtzaldan Qazaqstan quramasy álem chempıonaty fınaldyq kezeńine qatysý úshin Ózbekstanǵa bardy. Bıyl 14 qyrkúıek pen 6 qazan aralyǵynda Ózbekstanda ótetin álem chempıonatynda el quramasy Ispanııa, Lıvııa jáne Jańa Zelandııamen sheberlik baıqasady.

Atalǵan synda el namysyn qorǵaıtyn Qazaqstan quramasynyń tizimi belgili boldy. Atap aıtqanda, Narýn Serikov, Leonardo Igıta, Arnold Knaýb, Rınat Tóreǵazın, Aqjol Dáribaı, Ábdirasýl Ábdimanapuly, Azat Valıýllın, Leo, Albert Aqbalyqov, Shyńǵys Esenamanov, Birjan Orazov, Dáýren Tursaǵulov, Jahangır Rashıt jáne Dýglas Jýnıor óner kórsetedi.

Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.

Qazaqstandyq fýtzalshylar budan buryn joldastyq kezdesýde Tájikstan quramasymen eki márte joldastyq kezdesýde 4:3, 3:0 esebimen jeńiske jetti.

Odan keıin Iran quramasynan aldymen 3:0 esebimen basym túsip, ekinshi kezdesýde 1:1 esebimen teń tarqasty. 

Sondaı-aq el quramasy joldastyq kezdesýde Argentınany 3:2 esebimen jeńdi.