Fýtzaldan Qazaqstan quramasy Futsal Planet nusqasy boıynsha úzdik atanýy múmkin

ASTANA. KAZINFORM - Futsal Planet nusqasy boıynsha fýtzaldan Qazaqstan quramasy 2024 jylǵy álemniń úzdik quramasy atanýy múmkin. 

Olardan basqa atalǵan tizimde Argentına, Argentına U20, Brazılııa, Frantsııa, Indonezııa, Iran, Ýkraına, Marokko jáne Taıland quramalary bar.

Byltyr qazaqstandyq fýtzalshylar Ózbekstanda ótken álem chempıonatyna qatysty. Qazaqstan D tobynda Ispanııamen 1:1 esebimen teń oınasa, odan keıin Lıvııany 4:1, Jańa Zelandııany 10:0 esebimen tize búktirdi. Nátıjesinde óz tobynda Ispanııany alǵa jiberip, ekinshi oryn aldy.

Odan keıin 1/8 fınalda Portýgalııany 2:1 esebimen jeńip, shırek fınalǵa deıin jetti. Shırek fınalda Argentınaǵa jol berdi.

Qazir el quramasy ÝEFA reıtınginde ekinshi orynda keledi. Kósh basynda Portýgalııa tur. 
Sondaı-aq ulttyq qurama 2026 jylǵy Eýropa chempıonatynyń irikteý kezeńin bastap ketti. El quramasy altynshy topta Armenııa, Danııa jáne Albanııamen sheberlik baıqasady.

Qazirge deıin Albanııany 2:0 esebimen jeńip, Armenııamen 4:4 esebimen teń tústi. Endi 1 aqpanda syrt alańda Danııamen oınasa, odan keıin atalǵan quramamen óz alańynda 5 aqpanda sheberlik baıqasady. Odan keıin 7 naýryzda Qazaqstan fýtzalshylary óz alańynda Albanııany qabyldasa, 12 naýryzda Armenııa quramasyna qonaqqa barady.

Eske salsaq, budan buryn «Qaırat» fýtzaldan Chempıondar lıgasynyń fınaldyq kezeńine shyqty.