Fýtzaldan Qazaqstan quramasy Eýropa chempıonatyna fınaldyq satysynan tys qaldy
ASTANA. KAZINFORM — Fýtzaldan Qazaqstan ulttyq quramasy búgin Italııamen 2026 jylǵy Eýropa chempıonatyna irikteý kezeńi pleı-off satysyndaǵy qarymta oıynyn ótkizdi.Alǵashqy kezdesýde Italııa quramasy 2:1 esebimen basym túsken edi.
Sondyqtan otandastarymyz jyldam gol soǵýǵa tyrysqan edi. Nátıjesinde 3-mınýtta Dáýren Tursaǵulov esep ashsa, oǵan ıtalııalyq qurama 8-mınýtta bir golmen jaýap qaıyrdy.
Al 17-mınýtta qazaqstandyq Albert Aqbalyqov qaıtadan óz quramasyn alǵa shyǵarsa, 32-mınýtta qaıtadan esep teńesti.
Kezdesýdiń 35-mınýtynda Italııa quramasynyń oıynshysy óz qaqpasyna gol soǵyp aldy.
Negizgi kezeńde qazaqstandyq fýtzalshylar 3:2 esebimen basym tústi. Eki oıynnyń nátıjesimen 4:4 esebi tirkeldi. Soǵan baılanysty tóreshiler jeńimpazdy qosymsha kezeńle anyqtaýǵa sheshim qabyldady. Qosymsha kezeńde gol soǵylǵan joq. Penaltı tebýde Italııanyń joly boldy. Olar qurlyqtyq dodanyń fınaldyq satysyna joldama aldy.
El quramasy 2026 jylǵy Eýropa chempıonatynda óz tobynda ekinshi oryndy mise tutty.
Aldymen Albanııany 2:0 esebimen jeńse, odan keıin Armenııamen 4:4 esebimen teń oınady. Úshinshi kezdesýinde Danııadan 2:3 esebimen jeńilip qalsa, óz alańynda atalǵan qarsylasyn 7:3 esebimen tize búktirgen edi. Besinshi oıynda Albanııadan 4:2 esebimen basym tússe, dál sondaı eseppen syrt alańda Armenııaǵa ese jiberdi.
Osylaısha qurlyqtyq dodaǵa tikeleı shyǵý múmkindigin joǵaltyp aldy. Bul topta 16 upaımen birinshi orynǵa Armenııa quramasy taban tiredi.