Fýtzaldan Qazaqstan quramasy elordada Ázerbaıjanmen kezdesedi
Qazaqstan quramasy fýtzaldan 2024 jylǵy álem chempıonaty elıtalyq irikteý kezeńindegi tórtinshi oıynyn Ázerbaıjanǵa qarsy ótkizdi, dep habarlaıdy Kazinform agenttigi.
Kezdesý elorda ýaqytymen 20.00-de bastalyp, «Qazsport» telearnasynan tikeleı efırde kórsetiledi.
El quramasy A tobynda synǵa túsip jatyr. Qarsylastary – Rýmynııa, Ázerbaıjan jáne Nıderland.
El quramasy budan buryn Rýmynııany 4:3, Nıderlandty 2:0 esebimen jeńgen edi.
Sondaı-aq, syrt alańda Ázerbaıjandy 4:2 esebimen tize búktirdi.
Nátıjesinde qazaqstandyqtar óz tobynda toǵyz upaımen kósh basynda keledi. Ekinshi oryndaǵy Rýmynııanyń alty, Ázerbaıjannyń úsh upaıy bolsa, Nıderland ázirge upaısyz tur.
El quramasy budan keıin 14 jeltoqsanda óz alańynda Nıderland quramasymen kezdese, 20 jeltoqsanda Rýmynııaǵa barady.
Aıta ketsek, ekinshi irikteý satysynda qazaqstandyq fýtzalshylar Chernogorııa (7:0, 5:1) men Slovenııany (2:0, 3:3) artta qaldyryp, óz tobynda birinshi oryn aldy.
Aıta ketsek, el quramasy álem chempıonatynyń fınaldyq satysynda 2000, 2016, 2021 jyldarda synǵa tústi. Olar 2021 jyly 4-orynǵa taban tiredi.
2024 jylǵy qyrkúıek-qazan aralyǵynda álem chempıonaty Ózbekstanda ótkiziledi.
