Fýtzaldan Qazaqstan quramasy álem chempıonaty jerebesinde ekinshi sebetke tústi

ASTANA. KAZINFORM - Ózbekstanda ótetin fýtzaldan álem chempıonaty toptyq kezeńinde quramalardyń qaı sebetke túsetini belgili boldy. Qazaqstan quramasy 2-sebetke jaıǵasty.

Sebetter FIFA reıtıngi boıynsha jasaqtalǵan. Erejege sáıkes Qazaqstan quramasy toptyq kezeńde Marokko, Taıland, Frantsııa, Ýkraına jáne Paragvaı quramalarymen kezdespeıdi.

Al birinshi sebette Ózbekstan, Brazılııa, Ispanııa, Argentına, Portýgalııa, Iran bolsa, úshinshi sebette Kosta Rıka, Gvatemala, Venesýela, Kýba, Jańa Zelandııa, Lıvııa, tórtinshi sebette Tájikstan, Angola, Horvatııa, Frantsııa, Nıderland jáne Aýǵanstan ornalasqan.

Aıta ketsek, jerebe tartý rásimi 26 mamyrda Samarqan qalasynda ótedi.

Álem chempıonaty 14 qyrkúıek-6 qazan aralyǵynda bolady.

Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.

Aıta ketsek, FIFA-nyń alǵashqy reıtıngisinde Qazaqstan fýtzal quramasy 4-orynǵa jaıǵasty.

https://kaz.inform.kz/news/fifa-reytings-kazakstannin-futzal-kuramasi-4-orinda-tur-98b39f/