Fýtzaldan Qazaqstan quramasy álem chempıonaty negizgi kezeńinde kimdermen kezdesedi
ASTANA. KAZINFORM - Fýtzaldan Qazaqstan ulttyq quramasynyń 2028 jylǵy álem chempıonatynyń negizgi kezeńindegi qarsylastary belgili boldy.
Jerebe tartý rásimi UEFA-nyń Shveıtsarııanyń Non qalasyndaǵy shtab-páterinde ótti.
Іrikteýdiń negizgi kezeńinde 36 ulttyq qurama baq synaıdy. Olar úsh quramadan 12 topqa bólindi. Matchtar úıde jáne syrt alańda ótedi.
Jerebe qorytyndysy boıynsha Qazaqstan quramasy 6-topqa túsip, Belarýs jáne Albanııa quramalarymen kezdesedi.
Negizgi raýnd matchtary 2026 jylǵy 12-21 qazan, 2-11 qarasha, 6-9 jeltoqsan aralyǵynda jáne 2027 jylǵy 22 aqpan men 3 naýryz aralyǵynda ótedi.
Negizgi kezeńniń qorytyndysy boıynsha barlyq 12 toptyń jeńimpazy men ekinshi oryn alǵan úzdik tórt qurama elıtalyq raýndqa tikeleı joldama alady. Al ekinshi oryn ıelengen qalǵan segiz komanda pleı-off kezeńinde álem chempıonatynyń kelesi satysyna shyǵý úshin kúresin jalǵastyrady.
Eske salsaq, budan buryn fýtzaldan Qazaqstan quramasy eki joldastyq kezdesýde Ázerbaıjandy jeńdi.
