Fýtzaldan Qazaqstan kýbogynyń qola júldegeri anyqtaldy
ASTANA. QazAqparat - Kýboktyń úshinshi oryn úshin ótkizilgen matchynda Almatynyń «Qaıraty» Taldyqorǵannyń «Jetisý» komandasyn jeńdi, dep habarlaıdy QazAqparat Sports.kz-ke silteme jasap.
Kútpegende «Aqtóbeden» oısyraı jeńilgen almatylyqtar týrnırdi kóńildi aıaqtaýǵa bel býǵany kórinip turdy. Oıynda «Qaırat» aıqyn basymdyqqa ıe bolyp, tórt gol soqty. Hosseın Taıebı dýbl avtory atansa, Djon Lennon men kapıtan Dinmuhambet Súleımenov bir-bir goldan enshiledi.
«Qaırattyń» tórt golyna «Jetisý» eki golmen ǵana jaýap qaıyra aldy. Goldarǵa Pııaly men Everton avtor boldy.
