Fýtzaldan Qazaqstan kýbogy fınalyna shyqqan komandalar anyqtaldy
NUR-SULTAN. QazAqparat - Búgin elordada fýtzaldan Qazaqstan Kýbogy fınalynda oınaıtyn eki komanda anyqtaldy, dep habarlaıdy QazAqparat tilshisi.
Atalǵan týrnır elordadaǵy «Saıran-arena» sport kesheninde ótip jatyr. Onda barlyǵy 8 komanda baq synaǵan bolatyn. Komandalar eki topta synǵa tústi.
A tobynda «Jetisý» (Taldyqorǵan), «Báıterek» (Oral), «Aıat» (Rýdnyı), «Oqjetpes» (Kókshetaý) komandalary sheberlik baıqasty. Oıyndar 5-8 qazan aralyǵynda ótti. Olardyń arasynan «Jetisý» men «Aıat» jartylaı fınalǵa joldama aldy.
Al V tobynda «Qaırat» (Almaty), «Aqtóbe», «Atyraý» jáne «Kaspıı» (Aqtaý) klýbtary synǵa tústi. Bul tórttikten «Qaırat» pen «Aqtóbe» jartylaı fınalǵa shyqty.
Jartylaı fınalda aqtóbelik fýtzalshylar «Aıatty» 3:1, «Qaırat» «Jetisýdy» 2:0 esebimen jeńdi.
Endi fınalda «Qaırat» jáne «Aqtóbe» komandalary kezdesedi. Oıyn «Qazsport» telearnasynan elorda ýaqytymen 11.55-te tikeleı efırde kórsetiledi.
