Fýtzaldan Qazaqstan kýbogynyń ıegeri anyqtaldy

Fýtzaldan Qazaqstan kýbogy máresine jetip, almatylyq «Qaırat» atalǵan týrnırdiń jeńimpazy atandy,  dep habarlaıdy Kazinform.

Túrkistan qalasynda Qazaqstan kýbogynynda «Tórteýdiń fınaly» uıymdastyryldy. Týrnırde bas júldeni almatylyq «Qaırat» pen «Semeı» komandalary sarapqa saldy. 

Kezdesý barysynda almatylyq komanda qarsylasynan 5:3 esebimen basym tústi. «Qaırat» komandasynyń sapynan Dener het-trık avtory atansa, Dáýren Tursaǵulov pen Edson bir-birden mergendik tanytty. Almatylyq klýb eki golyn sońǵy mınýttarda soqty. Osylaısha «Qaırat» óz tarıhynda on toǵyzynshy márte kýbokty tóbesine kóterdi.

Al «Semeı» sapynan Dedezıno eki goldy enshisine jazsa, Gılerme Teısheıra bir márte kózdegen nysanadan múlt ketken joq. 

Úshinshi oryn úshin saıysta «Aqtóbe» shymkenttik «Ordabasyny» 6:1 esebimen jeńdi. 

Eske salsaq, budan buryn fýtzaldan Qazaqstan quramasynyń UEFA reıtıngisindegi orny belgili boldy.