Fýtzaldan Qazaqstan kýbogynda «Qaırat» «Qaraǵandynyń» osal tusyn tapty

ASTANA. KAZINFORM — Fýtzaldan Qazaqstan kýbogynyń shırek fınal oıyndary ótti.

Jarystyń atalǵan satysynda almatylyq «Qaırat» «Qaraǵandy» komandasyn 4:1 esebimen jeńse, «Semeı» Kókshetaýdyń «Elimaıyn» 8:2 esebimen basym tústi.

Sondaı-aq rýdnyılyq «Aıat» «Aqtóbege» — 2:3 esebimen jol berse, «Atyraý» qaarǵandylyq «Tulpardy» 6:0 esebimen tize búktirdi.

Týrnırge barlyǵy 16 komanda qatysyp, tórt topqa bólindi. A toby men D tobynyń oıyndary Oral, B jáne C tobynyń matchtary Taldyqorǵan qalasynda ótkizildi. Toptyq kezeń 25-30 tamyz aralyǵynda uıymdastyryldy.

Eske salsaq, Almatynyń «Qaıraty» bıyl fýtzaldan sýperkýbok ıegeri atandy.

Aıta ketsek, budan buryn fýtzaldan 2026 jylǵy Eýropa chempıonatyna irikteýdiń pleı-off kezeńindegi Qazaqstan quramasynyń Italııaǵa qarsy eki oıynynyń qaıda ótetini jáne ýaqyty belgili boldy.

Aldymen otandastarymyz 18 qyrkúıekte qazaqstandyq ýaqytpen 23:55–te syrt alańda Italııanyń Fazano qalasynda kezdesse, odan keıin 23 qyrkúıekte 19:30–de olardy Astanadaǵy J.Úshkempirov atyndaǵy jekpe-jek saraıynda qabyldaıdy.