Fýtzaldan Qazaqstan chempıonaty máresine jetti
NUR-SULTAN. QazAqparat - Fýtzaldan Qazaqstan chempıonaty máresine jetti, dep habarlaıdy QazAqparat Qazaqstan fýtbol fedeartsııasyna silteme jasap.
Bul sheshim federatsııanyń atqarýshy komıtetiniń otyrysynda qabyldandy. Elimizde sanıtarııalyq-epıdemıologııalyq karantın sharalary jalǵasady. Sondyqtan jabyq sport nysandarynda jarys uıymdastyrýǵa tyıym salynǵan.
Endi fýtzaldan UEFA Chempıondar lıgasyna Almatynyń «Qaırat» jáne Aqtóbeniń «Aqtóbe» komandalary qatysady.
Resmı qabyldanǵan sheshimge sáıkes, chempıonat 2020 jyldyń 12 naýryzyndaǵy týrnırlik kestemen aıaqtaldy. Sol ýaqytta «Qaırat» 44 upaımen kósh basynda kele jatqan bolatyn. Odan keıingi oryndaǵy «Aqtóbeniń» 36 upaıy bar edi.
Bıyl chempıonatqa barlyǵy 8 komanda qatysty. Olardyń qatarynda «Qaırat» pen «Aqtóbeden» ózge Rýdnyıdyń «Aıat», Taldyqorǵannyń «Jetisý», Atyraýdyń «Atyraý», Kókshetaýdyń «Oqjetpes», Aqtaýdyń «Kaspıı» jáne Batys Qazaqstan oblysynyń «Báıterek» klýbtary bar.
