Fýtzaldan Qazaqstan chempıonaty qashan jalǵasady
NUR-SULTAN. QazAqparat - Fýtzaldan Qazaqstan chempıonaty 3 shildeden bastap qaıta jalǵasady, dep habarlaıdy QazAqparat tilshisi.
Bul jóninde Almatynyń «Qaırat» fýtzal komandasy málim etti. Oıyndardyń barlyǵy Nur-Sultan qalasynda ótkiziledi.
Elimizdiń bıylǵy dop dodasynda barlyǵy segiz komanda baq synap jatyr. Olardyń qatarynda «Qaırattan» ózge «Aqtóbe», «Atyraý», «Aıat» (Rýdnyı), «Báıterek» (Oral), «Jetisý» (Taldyqorǵan), «Kaspıı» (Aqtaý) jáne «Oqjetpes» (Kókshetaý) komandalary bar.
Qazir týrnır kestesinde «Qaırat» komandasy 44 upaımen kósh bastap keledi. Odan keıingi oryndardaǵy «Aqtóbeniń» 36, «Aıattyń» 35 upaıy bar.
Sondaı-aq, fýtboldan Qazaqstan chempıonaty 1 shildede jalǵasady.
