Fýtzaldan Qazaqstan chempıonatynyń pleı-off kezeńine qaı komandalar shyqty

ASTANA. KAZINFORM - Fýtzaldan Qazaqstan chempıonatynyń pleı-off kezeńine shyqqan klýbtar anyqtaldy.

Endi shırek fınalda «Semeı» men «Báıterek», «Qaırat» (Almaty) pen «Jetisý» (Taldyqorǵan), «Atyraý» men «Ordabasy» (Shymkent), «Aıat» (Rýdnyı) pen «Aqtóbe» klýbtary kezdesedi. 

Shırek fınal 27 mamyr, jartylaı fınal 7 maýsymǵa belgilengen. Al fınal 23 maýsymǵa josparlanǵan.

Shırek fınal bir komandanyń eki jeńisine deıin jalǵasady. Jartylaı fınalda ol úsh jeńiske deıin belgilengen. Al, 3-oryn úshin komandalar eki jeńiske deıin básekege tússe, fınalda jeńimpaz úsh jeńis boıynsha anyqtalady.

Eske salsaq, Abaı oblysynyń «Semeı» komandasy fýtzaldan 2024 jylǵy Qazaqstan chempıony atandy.

Sondaı-aq almatylyq «Qaırat» fýtzaldan 2024 jylǵy Qazaqstan sýperkýbogynyń ıegeri atandy.