Fýtzaldan Qazaqstan chempıonatynyń fınaldyq oıyndary qashan ótedi

ASTANA. KAZINFORM - Fýtzaldan Qazaqstan chempıonatynyń fınaldyq pleı-off serııasy belgili boldy.

Ekinshi jyl qatarynan fınalda almatylyq «Qaırat» pen «Semeı» klýbtary sheberlik baıqasady. 

Alǵashqy eki oıyn 23-24 maýsym kúnderi Semeı qalasynda ótkizilse, úshinshi kezdesý 28 maýsymda Almatyǵa belgilengen. Qajet bolǵan jaǵdaıda 29 maýsym Almatyda taǵy bir oıyn ótse, besinshi kezdesý 5 shildede Semeıde bolýy múmkin.

Fınalda jeńimpaz úsh jeńis boıynsha anyqtalady.

Fýtzaldan el birinshiligi 1998 jyldan beri turaqty túrde ótkizilip keledi. Qazirge deıin almatylyq «Qaırat» 20 márte jeńis tuǵyryna kóterildi.

Aıta ketsek, almatylyq ujym 2004 jyldan beri bas júldeni eshkimge ustatpaı kele jatqan edi.

Byltyr alǵash ret kúmis júldeni qanaǵat tutýǵa májbúr boldy.

2024 jyly alǵash ret «Semeı» komandasy chempıondyq ataqty jeńip aldy.

Aıta ktesek, budan bqryn «Qaırat» jartylaı fınalda «Atyraýdy» 3-1 (1:3, 6:0, 5:2, 2:1) esebimen jeńse, «Semeı» «Aqtóbeni» úsh oıynda da (4:2, 8:1, 6:2) qapy qaldyrdy.