Fýtzaldan Qazaqstan chempıonatynda «Semeı» «Qaıratqa» ese jiberdi

ASTANA. KAZINFORM — Fýtzaldan Qazaqstan chempıonatynyń fınaldyq pleı-off serııasynyń ekinshi oıynynda «Semeı» «Qaıratqa» ese jiberdi.

Kezdesý barysynda almatylyq klýbtan Edson Santos 1, Dennıs Kavalkante 12, Dáýren Tursaǵulov 16, Jahangır Rashıt 19, Jýlıo Zanotto 34-mınýtta gol soqsa, oǵan semeılik klýbtan Gabrıel Kandıdo 31,35, Shyńǵys Esenamanov 29-mınýtta úsh golmen jaýap qaıyrdy. 

Osylaısha almatylyq klýb qarsylasynan 5:3 esebimen jeńip, pleı-off serııasynda tarazy basyn teńestirdi.

Aıta ketsek, atalǵan serııada alǵashqy oıynda semeılik klýb qarsylasyn 1:0 esebimen jeńip ketken edi.

Endi úshinshi kezdesý 28 maýsymda Almatyǵa belgilengen. Qajet bolǵan jaǵdaıda 29 maýsym Almatyda taǵy bir oıyn ótse, besinshi kezdesý 5 shildede Semeıde bolýy múmkin.

Fınalda jeńimpaz úsh jeńis boıynsha anyqtalady.

Aıta ketsek, almatylyq ujym 2004 jyldan beri bas júldeni eshkimge ustatpaı kele jatqan edi. Byltyr alǵash ret kúmis júldeni qanaǵat tutýǵa májbúr boldy.

2024 jyly alǵash ret «Semeı» komandasy chempıondyq ataqty jeńip aldy.