Fýtzaldan Qazaqstan chempıonatynda «Qaırat» pen «Semeı» bas júldeni sarapqa salady

ASTANA. KAZINFORM - Fýtzaldan Qazaqstan chempıonatynyń fınalyna shyqqan qos klýb anyqtaldy.

«Qaırat» tórt matchqa jalǵasqan jartylaı fınalda «Atyraýdy» 3-1 (1:3, 6:0, 5:2, 2:1) esebimen jeńdi.

Al osyǵan deıin «Semeı» «Aqtóbeni» úsh oıynda da (4:2, 8:1, 6:2) qapy qaldyrdy.

Fýtzaldan el birinshiligi 1998 jyldan beri turaqty túrde ótkizilip keledi. Qazirge deıin almatylyq «Qaırat» 20 márte jeńis tuǵyryna kóterildi.

Aıta ketsek, almatylyq ujym 2004 jyldan beri bas júldeni eshkimge ustatpaı kele jatqan edi. Byltyr alǵash ret kúmis júldeni qanaǵat tutýǵa májbúr boldy.

2024 jyly alǵash ret «Semeı» komandasy chempıondyq ataqty jeńip aldy.

Sondaı-aq el birinshiliginde almatylyq «Álibı» (2000, 2001, 2002) úsh márte, astanalyq «Jigitter» (2003) men rýdnyılyq «Aıat» (1999) bir-birden chempıon atanǵan edi.