Fýtzaldan Qazaqstan chempıonaty jartylaı fınalyna qaı komandalar shyqty

ASTANA. KAZINFORM — Fýtzaldan Qazaqstan chempıonaty jartylaı fınalyna shyqqan komandalar belgili boldy.

Endi ½ fınalda «Semeı» «Aqtóbemen» kezdesse, almatylyq «Qaırat» «Atyraýmen» kezdesedi. Jartylaı fınal oıyndary 7 maýsymda bastalady.

Eske salsaq, ¼ fınalda «Semeı» «Báıterekti», «Aqtóbe» «Aıatty», «Qaırat» «Jetisýdy», «Atyraý» «Ordabasyny» qapy qaldyrdy.

Jartylaı fınalda jeńimpaz úsh jeńiske deıin belgilengen. Al, 3-oryn úshin komandalar eki jeńiske deıin básekege tússe, fınalda jeńimpaz úsh jeńis boıynsha anyqtalady.

Fýtzaldan el birinshiligi 1998 jyldan beri turaqty túrde ótkizilip keledi. Qazirge deıin almatylyq «Qaırat» 20 márte jeńis tuǵyryna kóterildi.

Aıta ketsek, almatylyq ujym 2004 jyldan beri bas júldeni eshkimge ustatpaı kele jatqan edi. Byltyr alǵash ret kúmis júldeni qanaǵat tutýǵa májbúr boldy.

2024 jyly alǵash ret «Semeı» komandasy chempıondyq ataqty jeńip aldy.

Sondaı-aq el birinshiliginde almatylyq «Álibı» (2000, 2001, 2002) — úsh márte, astanalyq «Jigitter» (2003) men rýdnyılyq «Aıat» (1999) bir-birden chempıon atanǵan edi.