Fýtzaldan Qazaqstan chempıonaty: «Semeı» pleı-off serııasyn jeńispen bastady

ASTANA. KAZINFORM - Fýtzaldan Qazaqstan chempıonatynyń fınaldyq pleı-off serııasynyń alǵashqy oıynynda «Semeı» komandasy «Qaırattan» basym tústi. 

Birinshi kezdesý taǵdyryn jalǵyz gol sheshti. Osylaısha semeılik klýb qarsylasyn 1:0 esebimen jeńip, pleı-off serııasynda basymdyǵyn arttyrdy.

Endi taǵy bir oıyn 24 maýsymda Semeı qalasynda ótkizilse, úshinshi kezdesý 28 maýsymda Almatyǵa belgilengen. Qajet bolǵan jaǵdaıda 29 maýsym Almatyda taǵy bir oıyn ótse, besinshi kezdesý 5 shildede Semeıde bolýy múmkin.

Fınalda jeńimpaz úsh jeńis boıynsha anyqtalady.

Fýtzaldan el birinshiligi 1998 jyldan beri turaqty túrde ótkizilip keledi. Qazirge deıin almatylyq «Qaırat» 20 márte jeńis tuǵyryna kóterildi.

Aıta ketsek, almatylyq ujym 2004 jyldan beri bas júldeni eshkimge ustatpaı kele jatqan edi. Byltyr alǵash ret kúmis júldeni qanaǵat tutýǵa májbúr boldy.

2024 jyly alǵash ret «Semeı» komandasy chempıondyq ataqty jeńip aldy.