Fýtzaldan Qazaqstan-Bosnııa jáne Gertsegovına quramasy arasyndaǵy matchty jankúıer tikeleı efırden kóre alady
ASTANA. QazAqparat - Eýro-2016 irikteý kezeńindegi sońǵy oıyn 22 qyrkúıekte Almaty qalasynda ótedi, dep habarlady «KAZsport» telearnasy.
Fýtzaldan Qazaqstan Ulttyq quramasy Eýro-2016 týrnıriniń fınaldyq kezeńinde oınaý úshin erteń Almatydaǵy Balýan Sholaq atyndaǵy sport kesheninde ótetin Bosnııa jáne Gertsegovına quramasyn qarsy oıynda jeńýi kerek. Jeńiske jetpegen kúnniń ózinde de qarsylas quramadan 5 dop aıyrmashylyǵymen jeńilmeý kerek. Sonda ǵana, fýtzaldan Ulttyq qurama tuńǵysh ret Eýro týrnırde oınaıdy. Bosnııa jáne Gertsegovınada ótken alǵashqy oıynda Qazaqstan Ulttyq quramasy 0:5 esebimen jeńiske jetken. Dáýren Nurǵojın, Serik Jamanqulov jáne Leo bir goldan salsa, Dýglas dýbl avtory atanǵan. Eske sala keteıik, Qazaqstan Ulttyq quramasy men Bosnııa jáne Gertsegovına arasyndaǵy match 22 qyrkúıekte Almaty qalasyndaǵy Balýan Sholaq sport kesheninde saǵat 20:00-de bastalady. Oıyndy «KAZsport» telearnasynan tikeleı efırde kóre alasyzdar.
