Fýtzaldan Qazaqstan birinshiligi: «Qaırat» «Atyraýdan» basym tústi
NUR-SULTAN. QazAqparat - Fýtzaldan Qazaqstan chempıonaty fınaldyq oıynynyń alǵashqy kezdesýinde Almatynyń «Qaırat» komandasy «Atyraý» komandasyn tize búktirdi, dep habarlaıdy QazAqparat tilshisi.
Bul kezdesýde almatylyq klýb qarsylasynan 9:2 esebimen basym tústi. Oıyn barysynda Tursaǵulov pen Orazov bir, Dıego pen Edson eki, Aqbalyqov úsh goldyń avtory atandy. Al «Atyraý» sapynan Dalton men Erık Danılo kózge tústi.
Fınalda komandalar bireýiniń úsh jeńisine deıin sheberlik baıqasady. Endi eki klýb 11 jáne 14 mamyr kúnderi básekelesedi. Bul oıyndarda jeńimpaz anyqtalmaǵan jaǵdaıda taǵy eki kezdesý 17 jáne 18 mamyrǵa belgilenip otyr.
Úshinshi oryn úshin saıysta «Aıat» «Aqtóbeni» jalpy serııada 3:2 esebimen jeńip, qola júldege qol sozdy.
