Fýtzaldan Eýropa chempıonatynyń qola júldegeri anyqtaldy
NUR-SULTAN. QazAqparat - Fýtzaldan 2022 jylǵy Eýropa chempıonatynyń qola júldegeri anyqtaldy, dep habarlaıdy QazAqparat tilshisi.
Mundaı tabysqa Ispanııa quramasy qol jetkizdi. Atalǵan qurama 3-oryn úshin saıysta Ýkraınadan 3:1 esebimen basym tústi.
Ispanııa buǵan deıin 7 márte chempıon atansa, 2 márte kúmis, 2 márte qola júldege qol sozǵan bolatyn.
Aıta ketsek, Ýkraına shırek fınalda Qazaqstandy 5:3 esebimen jeńip ketti.
Endi fınalda Reseı men Portýgalııa quramalary sheberlik baıqasady. Kezdesý búgin elorda ýaqytymen 22:30-de «Qazsport» telearnasynan tikeleı efırde kórsetiledi.
Eske salsaq, qurlyqtyq dodada Qazaqstan quramasy V tobynda baq synady. Alǵashqy oıynda Slovenııamen (4:4) teń túsip, odan keıin Fınlıandııany (6:2) jáne Italııany 4:1 esebimen tize búktirdi. Nátıjesinde 7 upaımen birinshi oryn aldy.
Eýropa chempıonaty 1996 jyldan beri turaqty ótkizilip keledi. Búginge deıin Ispanııa - 7, Italııa - 2, Reseı men Portýgalııa 1 márte chempıon atandy.
