Fýtzaldan Eýropa chempıonatyna daıyndyq bastaldy

Brazılııalyq jattyqtyrýshynyń tizimine 16 fýtbolshy engen. Іrikteý kezeńi bastalǵansha Alesıo myrza eki fýtbolshymen qoshtasýǵa májbúr. Ereje boıynsha irikteý kezeńine 14 oıynshy qatysý kerek. Іrikteý kezeńine jalpy sany 28 komanda qatysady, dep jazady dodasport.kz.

Qazaqstan ulttyq quramasy 6-topta Chehııa, Makedonııa jáne Danııa quramalarymen Almatyda synǵa túsedi. Ár toptan jeńiske jetken qurama birden Eýropa chempıonatynyń negizgi kezeńine joldama alady.

Іrikteý kezeńine qatysatyn Qazaqstan ulttyq quramasy:

Qaqpashylar: Grıgorıı Shamro («Aqtóbe»), Igıta («Qaırat»);

Alańdaǵy oıynshylar: Dinmuhambet Súleımenov, Serik Jamanqulov, Shyńǵys Esenamanov, Mıhaıl Pershın, Dýglas (bári - «Qaırat»), Anton Ryndın, Ersultan Saǵyndyqov (ekeýi de - «Aıat»), Albert Aqbalyqov, Qaırat Imanalın (ekeýi de - «Aqtóbe»), Arnold Knaýb, Dáýren Tursaǵulov, Aleksandr Dovgan, Birjan Orazov (bári - «Jetisý»), Leo («Sportıng», Portýgalııa)

Qazaqstan 2016 jylǵy Eýropa chempıonatynyń negizgi kezeńine qosymsha match arqyly shyqqan bolatyn. Onda Bosnııa jáne Gertsegovına quramasyn jeńip, Serbııadaǵy jarystyń negizgi kezeńine joldama aldy.

Eske sala ketsek, Qazaqstan ulttyq quramasy alǵash ret Eýropa chempıonatynyń negizgi kezeńine 2016 jyly qatysty.

Qazaqstandyqtar 2016 jylǵy Eýropa chempıonatynda qola júldeni enshiledi. Al Eýropa chempıonatynyń irikteý kezeńi Almatyda alǵash ret ótkiziledi.

Qazaqstan ulttyq quramasy irikteý kezeńinde favorıt komanda bolady. Ekinshi oryn alǵan jeti qurama men úshinshi oryn alǵan eń úzdik úsh komanda birigip qosymsha matchtar ótkizedi.

Eýropa chempıonatynyń negizgi kezeńine 12 komanda qatysady.

2018 jylǵy Slovenııadaǵy Eýropa chempıonaty 30 qańtar - 10 aqpan aralyǵynda Lıýblıan qalasynda bolady.

Esterińizge sala keteıik, Almatydaǵy irikteý kezeńi 8-11 sáýir kúnderi «Almaty Arenada» ótedi.