Fýtzaldan Eýropa chempıonaty: Shırek fınalǵa shyqqan barlyq qurama anyqtaldy
NUR-SULTAN. QazAqparat - Fýtzaldan Eýropa chempıonatynyń shırek fınalyna shyqqan barlyq qurama anyqtaldy, dep habarlaıdy QazAqparat tilshisi.
Búgin S jáne D toptarynda oıyndar ótkizildi.
S tobynda Reseı Polshany 5:1, Slovakııa Horvatııany 5:3 esebimen tize búktirdi. Nátıjesinde atalǵan toptan Reseı 9, Slovakııa 4 upaımen jarysty jalǵastyrýǵa múmkindik aldy.
D tobynda Ázerbaıjan Bosnııa jáne Gertsogovınany 4:2, Ispanııa Grýzııany 7:0 esebimen jeńdi. Bul topta Ispanııa 7, Grýzııa 6 upaımen shırek fınalǵa shyqty.
Al 28 qańtarda A jáne V toptarynda Qazaqstan men Fınlıandııa, Portýgalııa men Ýkraına jarystyń atalǵan satysyna joldama aldy.
Shırek fınalda quramalar tómendegishe jup qurady:
31 qańtar
Portýgalııa men Fınlıandııa
Qazaqstan men Ýkraına
1 aqpan
Ispanııa men Slovakııa
Reseı men Grýzııa
Jartylaı fınal oıyndary 4 aqpanǵa belgilengen. Al 6 aqpanda fınal men 3-oryn úshin oıyndar bolady.
Eýropa chempıonaty 1996 jyldan beri turaqty túrde ótkizilip keledi. Búginge deıin Ispanııa - 7, Italııa - 2, Reseı men Portýgalııa 1 márte chempıon atandy.
