Fýtzaldan Eýropa chempıonaty: Fınalǵa shyqqan alǵashqy qurama anyqtaldy
NUR-SULTAN. QazAqparat - Fýtzaldan 2022 jylǵy Eýropa chempıonatynda fınalǵa shyqqan alǵashqy qurama anyqtaldy, dep habarlaıdy QazAqparat tilshisi.
Mundaı múmkindikke Reseı quramasy ıe boldy. Olar búgin Ýkraınany 3:2 esebimen jeńdi. Osylaısha óz tarıhynda jetinshi márte fınalǵa joldama alyp otyr.
Eske salsaq, Ýkraına shırek fınalda Qazaqstan quramasynan 5:3 esebimen basym túsken edi.
Jarystyń atalǵan satysynda Reseı Grýzııany 3:1 esebimen tize búktirdi.
Endi taǵy bir jartylaı fınalda Ispanııa men Portýgalııa quramalary sheberlik baıqasady. Kezdesý elorda ýaqytymen 00.50-de bastalyp, Qazsport telearnasynan tikeleı efırde kórsetiledi.
6 aqpanda fınal jáne 3-oryn úshin oıyndar bolady.
Eýropa chempıonaty 1996 jyldan beri turaqty ótkizilip keledi. Búginge deıin Ispanııa - 7, Italııa - 2, Reseı men Portýgalııa 1 márte chempıon atandy.
